Teistin vann á Báruni: Hørð kapping millum yngru dreingirnar

Teistin vann á Báruni, tá fjórði FM-kappróðurin var í fjarðastevnu í Vestmanna.

Argjadreingirnir hava nú vunnið tvær ferðir, og tað hevur Báran eisini, men dreingirnir úr Sundalagnum eru eitt stig aftanfyri á stigatalvuni, tí teir endaðu á 3. plássi á norðoyastevnu.

 - Vit sóu Báruna allan vegin inn, men tað var endaspururin, sum avgjørdi tað, segði Pætur Lind Krosstein av Teistanum.