Ítróttarbarnagarður í Vestmanna

Í Vestmanna er rørsla ein fastur partur av gerandisdegnum hjá børnunum. Dagstovna- og frítíðarskúlavirksemið í kommununi er sertifiserað av danska ítróttarsambandinum DIF og er tað einasta av sínum slag í Føroyum.

Endamálið er at fáa børnini at røra seg meira og samstundis geva teimum góðar upplivingar við rørslu.

Talan er tó ikki um, at børnini skulu venja ávísar ítróttargreinar. Rørsla verður heldur flættað inn í spæl og annað virksemi gjøgnum dagin. Á tann hátt verður rørsla ein natúrligur partur av gerandisdegnum hjá børnunum.

Morten Hust Petersen leiðir dagstovna- og frítíðarskúlavirksemið í Vestmanna.