Tunnilin: 25 fyritøkur fingu møguleika at bjóða

25 fyritøkur fingu møguleika at bjóða upp á arbeiðið at gera Skálafjarðartunnilin, og alt fyrireikingararbeiðið er gjørt í samsvari við lógina, sigur Kári P. Højgaard landsstýrismaður í innlendismálum.

Hann vísir sostatt aftur, at hann skal hava brotið lógina, og ikki hava boðið arbeiðið út í fríari kapping.

Men Bjørn á Heygum, løgfrøðingur, sum var við til at smíða stýrisskipanarlógina, sigur, at landsstýrismaðurin hevur ikki gjørt eftir lógini. Lógin sigur greitt, at Skálafjarðartunnilin skal bjóðast út í fríari kapping. Og tað hevur landsstýrismaðurin ikki gjørt, sigur Bjørn á Heygum.