Rúni Joensen: Áttu at latið tinginum viðmerkingarnar

- Tá vit síggja alt rumblið, sum hevur staðist av hesum uppskotinum, so áttu vit helst at havt latið løgtinginum viðmerkingarnar frá deildarstjórunum í Innlendismálaráðnum.

Tað sigur aðalstjórin, Rúni Joensen.

Hann vísir á, at samráðingarnar við Copenhagen Infrastructure Partners vóru lidnar, tá embætisfolkini skrivaðu viðmerkingarnar, og tí hevði verið avmarkað, hvørjar broytingar kundu verið gjørdar i uppskotinum.

At deildirnar i ráðnum verða bidnar um at gera viðmerkingar til lógaruppskot, er ein partur av málsviðgerðini, sigur Rúni Joensen.