Læknamiðstøðir fáa kommunulæknar at støðast

Tað er eitt gott hugskot at seta fleiri læknamiðstøður á stovn, fyri at fáa nýggir kommunulæknar at støðast.

Tað heldur Marjus Dam, formaður í kommunulæknafelagnum.

Tað gongur illa at manna kommunulæknastørvini, og eitt nú Fuglafirði hava sjey ymiskir kommulæknar verið síðani í juli. Marjus Dam heldur, at kommunurnar og læknarnir í Eysturoynni eiga at samstarva um eina loysn, sum skal fáa læknarnar at støðast.

Í løtuni eru 11 kommunulæknar undir útbúgving, og tí væntar formaðurin í kommunulæknafelagnum, at støðan fer at batna.