Skúvoyingar fáa annað skip í vár

Gongst sum ætlað, fáa skúvoyingar annað skip fyri Sildberan í vár.

Tað upplýsti Jóhan Dahl, landsstýrismaður í løgtinginum, tá hann fekk ein spurning um skúvoyarferjuna frá Páll á Reynatúgvu.

Í uppskoti til eykajáttanarlóg verður biðið um pengar at keypa skipið fyri. Tá játtanin er samtykt, verður skipið keypt. Á fíggjarlógini næsta ár er peningur settur av at uppstiga ferjuna.