TIGN hevur aðalfund

Mikukvøldið 16. oktober kl. 19:00, fer Knud Romer at halda fyrilestur í Skálanum í Norðurlandahúsinum. Fyrilesturin snýr seg um støðuna hjá teimum eldru á røktarheimum. TIGN skipar fyri fyrilestrinum í sambandi við aðalfundin hjá felagnum.

Undir fyrilestrinum sýnir Knud Romer filmin, "Et Blad falder til Himlen," sum er um hansara farvæl við sín dementa pápa. Pápi Knud Romer búði stutt tíðarskeið á røktarheimi til hann doyði.

Knud Romer er skelkaður av møtinum við tað almenna. Hann lýsir støðuna á røktarheimunum sum skammiliga og mælir til, at avvarðandi og starvsfólk gera uppreistur.