Verkfalsrætturin ikki mistur

Maskinmeistarafelagið og Skipara- og Navigatørfelagið hava í nýggja sáttmálanum góðtikið, at strandfaraskipini sigla í tríggjar vikur, eftir at verkfall er lýst.

Men hóst tað, tvíheldur formaðurin í maskinmeistarafelagnum, at felagið harvið ikki hevur mist verkfalsrættin.

Talan er um viðurskifti sum eru kravd í nýggju semingslógini, sum løgtingið samtykti fyrr í ár, sigur Páll Hansen, formaður í Maskinmeistarafelagnum.