Kvinnur meira eftirløn enn menn

Munur er á, hvussu nógv ein mannligur lærari og ein kvinnuligur fær í eftirløn um mánan. Og tað er ikki rætt.

Tað heldur nevndarlimur í Føroya Lærarafelag, Maria V. Hansen.

Hon skrivar í lesararbrævi í skúlablaðnum, at ein mannligur lærari í núverandi skipan fær væl meiri útgoldið í eftirløn, altso í lívrentu, enn tann kvinnuligi, hóast talan er um somu starvstíð og sama áramál.

Kvinnur liva longri

Hetta kemst av, at kvinnur liva longri enn menn, og tí skal teirra samanspardi peningur strekkja longri. Tí fær ein kvinnuligur lærari minni útgoldið um mánaðan í eftirløn enn ein mannligur lærari.

Maria V. Hansen heldur, at allir lærarar sjálvsagt eiga at fáa tað sama, og at munur ikki eigur at gerast á kynunum. Tí eiga kvinnur at fáa meira í eftirløn enn menn.

Sambært Mariu V. Hansen fer Lærarafelagið fer at samráðast við eftirlønarveitaran hjá felagnum um møguliga at gera broytingar í mánaðarliga útgjaldinum til kvinnur, so bæði kynini fáa somu upphædd um mánaðin.