Vilja steðga hitaverki í Hoyvík

Eigarafeløgini inni á Gøtu og í Hoyvíkshaganum hava nú biðið um fund við Tórshavnar býráð og Umhvørvisstovuna í eini roynd at steðga ætlaða hitaverkinum nærindis Klingruni í Hoyvík.

Eigarafeløgini umrøddu málið á fundi fyrradagin.

Í desember fekk Fjarhitafelagið fyribils góðkenning til byggingina, og góðkenningin verður ætlandi endalig í hesum mánaðinum.

Brian Rosendahl Rasmussen, sum er talsmaður fyri tey, sum búgva Inni á Gøtu og í Hoyvíkshaganum, sigur, at tey fara at gera alt fyri at steðga hitaverkinum.