Tekur grundarlagið undan festikontuskipanini

06.02.2014 - 13:57

Innlendis›Politikkur

Forkvinnan í Búnaðargrunninum er ímóti uppskotinum hjá Jacobi Vestergaard, landsstýrismanni, um broytingar í jarðarlógini

Lív Mikkelsen

Johnsigurd Johannesen

Aktivera javascript

Forkvinnan í Búnaðargrunninum heldur, at ætlaða broytingin í jarðarlógini kann hava við sær, at færri pengar koma á festikonturnar

Uppskotið um at broyta lógina um landsjørð, sum Jacob Vestergaard, landsstýrismaður í fiskivinnumálum, hevur lagt fyri tingið, kann taka grundarlagið undan festikontuskipanini.

Tað heldur forkvinna í Búnaðargrunninum, Óluva J. Midjord.

Jacob Vestergaard vil gera tað lættari hjá Búnaðarstovuni at taka nýtslurættin til lendið aftur frá festarum og leiga kommunum lendið til almannagagnligt endamál.

Men forkvinnan í Búnaðargrunninum heldur, at vandi er fyri, at færri pengar koma inn á festikonturnar. Óluva J. Midjord umboðar tó bert sjónarmiðini hjá einum parti av Búnaðargrunninum, tí grunnurin hevur sent tvey hoyringarskriv til lógaruppskotið.