Hýrusáttmáli skal vera treyt fyri fiskiloyvi

Tað eru nøkur reiðarí, sum ikki vilja halda galdandi sáttmálar, og tí er tað best, at løgtingið áleggur øllum reiðaríum at halda sáttmálarnar.

Tað sigur formaðurin í Maskinmeistarafelagnum, Páll Hansen.

Manningarfeløgini, Maskinmeistarafelagið, Skipara- og Navigatørfelagið og Fiskimannafelagið, hava sent løgtinginum skriv, har tey heita á landsstýrið og løgtingið um at tryggja, at øll manning á føroyskum fiskiskipum verður lønt eftir sáttmálum millum reiðararnar og føroysku manningarfeløgini.

Besta leiðin at røkka tí málinum alt fyri eitt er at fáa sett sum treyt, at bara fiskifør, har manningin fær hýru sambært sáttmála hjá manningarfeløgunum, fáa fiskiloyvi, siga feløgini.

Hoyr samrøðu við Páll Hansen, formann í Maskinmeistarafelagnum, í útvarpstíðindunum.