Makrelur: ICES brúkar nýggjan leist

Eingi nýggj tøl frá fiskifrøðingum koma á borðið, tá samráðingarnar um makrelin verða tiknar upp aftur fyrst í næstu viku.

ICES viðgjørdi makrelin alla síðstu viku. Og tá metingin fyri 2015 verður gjørd, verður tað eftir einum nýggjum leisti, tí tann, sum varð brúktur í fjør, kann ikki brúkast.

Fiskifrøðingarnir vrakaðu sjálvir modellið, sum teir hava brúkt higartil.

Tilmælið fyri 2015, tað fyrsta, sum verður gjørt eftir nýggja leistinum, kemur fyrst í oktober. Í 2014 halda fiskifrøðingarnir tað ikki vera ráðiligt at fiska meira enn knappliga 900.000 tons av makreli.

Hoyr Jan Arge Jacobsen, deildarleiðara á Havstovuni, í útvarpstíðindunum. Hann var við, tá ICES gjørdi eitt nýtt modell fyri makrelin: