Islamistar jagstra kristnar arabarar

23.04.2014 - 10:33
Lívsstílur›Átrúnaður
Islamistar jagstra kristnar arabarar
Í miðeystri hava kristnu arabararnir verið umleið 10 prosent av samlaða fólkatalinum í Miðeystri. Í dag eru bert umleið fýra prosent eftir. Hví?
Arabisk kristin rýma úr arabiska heiminum, undan forfylging, diskriminatión, álopum og hóttanum
Mynd: Xinhua/eyevine  

Klaus Wivel, journalistur og korrespondentur á Weekendavísini, hevur skrivað bókina ”Hin Seinasta Kvøldmáltíðin”, har hann greiðir frá síni ferð millum kristin í Miðeystri, sum í hesum tíðum rýma í hópatali úr arabiska heiminum.

Tey rýma til Europa, Kanada, USA, Suðuramerika og Australia, og tey rýma undan forfylging, diskriminatión, álopum og hóttanum. 

Hví er ágangurin so harður móti hesum minniluta í arabiska heiminum? Tað er ein av mongu spurningunum Klaus Wivel setir í bókini.

 

Arabiska várið ein orsøk

Fyri mong kristin hevur tann arabiski uppreisturin, sum byrjaði á vári í 2011, einans verra um støðuna, og á heysti í fjør, rópti Amnesty International varskó og heitti á politisku leiðararnar í økinum, um at verja kristnar arabarar, áðrenn hesin minnilutabólkurin heilt er horvin í Miðeystri. 

Í vesturheiminum verða tey sædd sum arabarar og fáa lítla og onga hjálp. Heima í Miðeystri verða tey sædd sum kristin, sum hoyra heima í vesturheiminum. Tey gerast tí offur í einum størri stríði millum vesturheimin og muslimska heimin. Einum stríði, sum ikki er teirra.

Heini í Skorini, sum er fyriskipari fyri tiltaki í Norðurlandahúsinum, har rithøvundurin Klaus Wivel fer at halda ein fyrilestur um støðuna hjá kristnum arabarum, er gestur í útvarpsstovuni og greiðir frá støðuni í Miðeystri. 

 
Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592