Sambandið vil hava nógv meira fyri makrelin

Sambandsflokkurin vil hava tilfeingisgjaldið á makrel og sild broytt longu í ár, so landið fær fleiri pengar.

Tað er kravið, nú samgongan telvar um makrelbýtið og sildabýtið.

Makrelgjaldið eigur at hækka úr 75 oyrum upp í eina krónu og 25 oyru fyri kilo. Og gjaldið fyri sild skal eisini hækka, sigur Bárður Nielsen, tingmaður hjá Sambandsflokkinum og formaður í Fíggjarnevndini.

Men Jacob Vestergaard, landsstýrismaður í fiskivinnumálum, heldur, at gjøldini, sum longu eru ásett fyri 2014,  75 oyru fyri makrel og 35 oyru fyri sild, eru ivaleysa stór.