Sildakvotan ásett í hesi vikuni

Føroyska sildakvotan verður ikki so stór sum í fjør, men hon verður heldur ikki so lítil, sum vit eiga eftir gamla býtinum.

Tað sigur Jacob Vestergaard, landsstýrismaður í fiskivinnumálum, sum væntar at kunna áseta sildakvotuna í hesi vikuni.

Samskifti er við hini londini, og tað sum telur mest, er, at ES fæst at seta handilsstongsilin úr gildi, sigur Jacob Vestergaard.

Makrelkvotan í ár er 156.000 tons, og av teimum kunnu umleið 100.000 tons fiskast í ES-sjógvi og í norskum sjógvi.