Kavaraverkfall: Virksemi hjá Bakkafrosti hótt

- Hetta er ein álvarsom støða, tí alt virksemi hjá Bakkafrosti steðgar, um kavarar ikki sleppa til arbeiðis.

Tað sigur Regin Jacobsen, stjóri, í Bakkafrosti.

Kavararnir í Føroyum fóru í verkfall á midnátt, tí eingin passar einasta trýsttanga í Føroyum longur, og eingin loysn er funnin fyri tangan.

Sostatt er eingin viðgerð fyri kavarasjúku, og kavararnir tora ikki at arbeiða, uttan at trýsttangin er tøkur, um ein vanlukka hendir.

Regin Jacobsen er ørkymlaður um støðuna, tí fyritøkan er púra bundin av kavarunum.