Hava brúkt eina milliard uppá ein turran brunn

02.07.2014 - 14:39
Mentan
Hava brúkt eina milliard uppá ein turran brunn
Men sjálvt um Brugdan var turr, so ræður um ikki at missa mótið, sigur Jan Muller, stjóri í FOÍB

Statoil kunngjørdi í síðstu viku, at hvørki olja ella gass var at finna í Brugduni, ið leitiøki verður rópt, har leitað var eftir kolvetni. Borurin er nú fluttir yvir til øki, ið verður rópt Súlan Stelkur.

Jan Muller vísir á, at vanligt er, at oljufeløg bora umleið tíggju hol, fyri hvørt fund og enn eru ikki gjørdar tíggju oljuboringar á føroyskum øki. Brugdan var áttanda holið, ið varð borað í føroysku undirgrundini og nýggja leitiøkið, Súlan Stelkur, er tað níggjunda holið. 

Í Noregi vóru yvir 30 boringar gjørdar, áðrenn fyrsta oljufundi, sigur Jan Muller. 

Men hann ásannar tó, at av tí, at tað er so dýrt at leita eftir olju í føroysku undirgrundini, verður tað eitt bakkast fyri føroyska oljuleiting, um hvørki olja ella gass verður funnið í Súlan Stelkur. 

Súlan Stelkur er seinasta skotið í byrsuni á hesum sinni. 

- Brugdan var turr, og nú er bert eitt skot eftir, sigur Jan Muller.

Jan vísir á, at stjórin í Statoil Føroyar, Rúni Hansen, hevur sagt, at um onki verður funnið í Súluni, so merkir tað ikki, at byrsan ikki verður lødd aftur, spurningurin er bara nær?

- Oljufeløgini brúka ikki eina milliard krónur uppá ein turran brunn bara til stuttleika, sigur Jan. 

- Hetta krevur heilt einfalt tíð, tol og pengar, sigur Jan Muller, stjóri í Føroya Oljuídnaðar Bólki. 

Lurta eftir samrøðuni við Jan Muller. 

 
Er kopiera

Tak niður

Nýggjastu sendingar í ÚV
Mánadag 6. februar
Norðurljóð 6.februar 2023
152034
Mánadag 6. februar
Jambalaja - nýútgávur
152061
Mánadag 6. februar
Røðari er gamalt orð fyri rógvara
152029
Nýggjastu sendingar í SV
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181