Ongantíð so nógv æti sum nú

Ongantíð fyrr hevur so nógv plantuæti verið á landgrunninum sum nú.

Kanningar eru gjørdar av ætinum síðani í 1997. Talan er um samstarv ímillum Havstovuna og Lívfiskastøðina í Skopun. Lívfiskastøðin tekur royndir av sjónum, sum síðani verða kannaðar á Havstovuni.

Seinastu árini hevur lítið æti verið, og gongdin í flestu fiskastovnunum hevur verið vánalig. Eitt nú hava toskur, hýsa og nebbasild verið serliga illa fyri.

Nú nøgdin av æti veksur, so skuldu útlitini batnað, men stjórin á Havstovuni, Eilif Gaard, er kortini varin.

Mynd: Eilif Gaard er stjóri á Havstovuni