Snarhús meira enn tríggjar milliónir í halli í fjør

Snarhús meira enn tríggjar milliónir í halli í fjør
Leiðslan arbeiðir við at betra raksturin og væntar, at raksturin fer at hildnast betur í 2023
Lýsing á Facebook frá Snarhúsum. Grannskoðanin sigur, at hon hevur ikki móttikið nøktandi skjalprógv, sum kann ásanna, at felagið fær útvegað sær neyðugu fíggingina.
 
20.09.2023 - 13:11

Snarhús hevði góðar 3,3 mió. kr. í halli í fjør.

Vinningsbýtið, sum var 858 túsund 340 kr. í 2021, verður ikki goldið kortini, men flutt felagnum aftur.

Tað stendur í roknskapinum hjá smápartafelagnum Snarhús fyri 2022.

Felagið hevur negativa eginogn og avmarkaðan tøkan pening. 

Leiðslan arbeiðir við at betra raksturin og metir, at raksturin fer at hildnast betur í 2023. 

Grundað á hetta, hevur leiðslan avgjørt at seta roknskapin upp við framhaldandi rakstri fyri eyga. 

Eginognin var minus 2,1 millión krónur 31.desember 2022.

 

Grannskoðanin: Nýggj fígging ikki sannlík

Tað er Januar sum hevur grannskoðað roknskapin hjá Snarhús. Og teirra niðurstøða er greið: 

Smápartafelagið Snarhús hevur ikki prógvað, at tað fær fígging til at halda fram.

Ein treyt fyri framhaldandi rakstri er, at felagið fær útvegað nøktandi fígging. 

Vit hava ikki móttikið nøktandi skjalprógv, sum kann ásanna, at felagið fær útvegað sær neyðugu fíggingina,  

Tí er tað okkara áskoðan, at nýggj fígging ikki er sannlík, sigur Januar. 

Januar sigur eisini, at ársroknskapurin gevur ikki gevur rættvísandi mynd av felagsins ognum, skyldum og fíggjarligu støðu 31. desember 2022, og av virksemi felagsins fyri roknskaparárið 2022 sambært ársroknskaparlógini.
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592