Neyðugt við átøkum at basa fátækraváða

Ongum skal nýtast at liva í fátækraváða í Føroyum, og tí eru politisk átøk neyðug, sum tryggja borgarum í fátækraváða rímilig kor.

Tað heldur formaðurin í Javnaðarflokkinum, Aksel. V. Johannesen.

Nógvir føroyingar liva í fátækaraváða, men landsstýrið hevur onga greiða loysn, hvussu hesin trupulleikin kann basast, heldur hann.

Kaj Leo Holm Johannesen, løgmaður, segði í røðu sínari á ólavsøku, at í løtuni verður kannað, hvussu fólk, sum liva undir fátakaramarkinum, kunnu hjálpast burtur úr støðuni.

Tað eru fyrst og fremst stakir uppihaldarar og børn teirra, sum eru í fátækraváða, segði løgmaður.