Løgmaður: Tjóðveldiskósin er steindeyð

Tað vakti ans, tá Annika Olsen, landsstýriskvinna og varaløgmaður, fór at tosa um tjóðskaparmálið, tá hon umrøddi løgmansrøðuna í løgtinginum fyrrapartin.

Annika Olsen segði, at tjóðskaparmálið er steindeytt, men hon heldur, at tað ber til at fáa málið aftur á breddan, um allir flokkar flyta seg.

Kaj Leo Holm Johannesen, løgmaðuir, sigur, at Annika Olsen skal sleppa at siga sína persónligu hugsan um tjóðskaparmál. Hann sigur, at talan er um retorikk.

- Allir føroyingar eru tjóðskaparsinnaðir, sama hvørjum flokki teir eru í, men tjóðveldiskósin er steindeyð, sigur løgmaður.

Hoyr viðmerking frá løgmanni til røðuna hjá Anniku Olsen.

Meiri verður at frætta í útvarpstíðindunum klokkan 18, har viðmerkingar eisini verða frá Sirið Stenberg úr Tjóðveldi, Jenisi av Rana úr Miðflokkinum og Jørgeni Niclasen, formanni í Fólkaflokkinum.