Heilsuhús skal umsita eldraøkið

Ein nýggjur bygnaður í heilsu- og umsorganartænastuni í Tórshavnar kommunu er gjørdur, nú kommunan skal yvirtaka eldraøkið, og tað merkir, at allir stovnar á eldraøkinum skulu savnast í trimum eindum: í einum Heilsuhúsi og í tveimum integreraðum eindum.

Leiðararnir á hesum trimum eindunum skulu saman standa á odda fyri øllum tilboðunum til eldri borgarar í Tórshavnar kommunu.

Heðin Mortensen, borgarstjóri, sigur, at hóast tríggir yvirskipaðir leiðarar nú skulu setast á eldraøkinum, so missa verandi leiðarar á ymsu stovnunum ikki starvið. Talan verður helst um, at deildarleiðarar verða á stovnunum, sigur borgarstjórin.