Vilja varðveita skúlar í Hósvík og Hvalvík

Í Hósvík og Hvalvík eru fólk farin at savna undirskriftir fyri at varðveita barnaskúlarnar í bygdunum.

Sunda kommuna samtykti í juni, at allir skúlar í Sunda kommunu skulu leggjast saman í ein felags skúla, sum skal byggjast upp í verandi felagsskúla á Oyrarbakka. Næmingarnir í 1.-7. flokki, sum nú ganga í skúla í teimum ymsu bygdunum í Sunda kommunu, skulu sostatt eftir summarfrítíðina í 2016 í skúla á Oyrabakka.

Borgarstjórin í Sunda kommunu, Heðin Zachariasen, skilir væl óttan, men ongar ætlanir eru um at niðurleggja frítíðarskúlan og barnaansingina í bygdunum, sigur hann.

Mynd: Hvalvíkar skúli, sum verður niðurlagdur