Vinnan og Havstovan mugu semjast

Nógv løgtingsfólk eru misnøgd við fiskidagaskipanina.

Tað kom fram, tá orðaskifti var um fiskidagarnar í tinginum í gjár.

Eivin Jacobsen úr Sambandsflokkinum segði, at tað ber ikki til at vinnan og fiskifrøðin ár undan ári koma við ymiskum tilráðingum.

- Vinnan og Havstovan eiga at kom við eini felags niðurstøðu um, hvussu fiskivinnan verður burðardygg, segði hann.

Fiskidaganevndin hevur skotið upp, at fiskidagaskipanin verður endurskoðað. Uppskotið um fiskidagarnar er farið í Vinnunevndina, og Eivin Jacobsen mælti nevndini til at taka uppskotið frá Fiskidaganevndini til eftirtektar.

Hoyr Eivin Jacobsen í tinginum