Reiðarafelagið aftur virkið

Føroya Reiðarafelag er nú virkið aftur.

Í dag varð nýggj nevnd vald, og Anfinn Olsen er valdur til formann. Han sigur, at stóru avbjóðingarnar hjá Føroya Reiðarafelag eru samráðingarnar við manningarfeløgini og spurningurin um, hvat hendir 1. januar í 2018.

Átta limir eru í nevndini í Føroya Reiðarafelag: Anfinn Olsen, sum umboðar partrolarar er formaður, Hanus Hansen, sum umboðar flakatrolarar, er næstformaður.

Hinir eru: Tummas Henriksen, umboðandi lemmatrolarar, Hálvdan Gudmundsen, umboðandi línuskip, Gunnbjørn Joensen, umboðandi garnaskip, Johan Joensen, umboðandi rækjuskip, Dánjal Johansen, umboðandi ídnaðarskip og Jógvan Jespersen, umboðandi nótaskip.

Stjóri í Reiðarafelagnum er Herálvur Joensen.

Hoyr samrøðu við Anfinn Olsen í útvarpstíðindunum.