Vágsverkið skal brúka gassolju

Gassolja er reinari enn tungolja.

Tað sigur SEV, sum hevur gjørt av, at Vágsverkið brúkar gassolju.

Umleggingin í Vági er ein roynd, sum skal vara í eitt ella tvey ár. 

Tá kann staðfestast, um umleggingin er fíggjarliga forsvarlig, og tá kann endalig avgerð takast.

Í 2024 lá Vágsverkið stilt í 110 samdøgur, tí vindur, sól og battarískipanin gjørdu streymin.

Eingin ítøkilig ætlan er um at lata Sundsverkið brúka gassolju.

Tungolja er bíligari enn gassolja, og um alt Sundsverkið skal leggjast um til gassolju, verður so stórur munur á rakstrarkostnaðinum, at tað fer at síggjast aftur í elprísinum, sigur  SEV.