Vallógirnar verða dagførdar

15 valstøð í Føroyum hava færri enn hálvthundrað veljarar. Bara sjey hava fleiri enn 1000 veljarar. Lógirnar um løgtingsval og kommunuval skulu dagførast.

Umsitingin í Almannamálaráðnum er í ferð við at leggja síðstu hond á uppskotini, sum skjótt verða send til hoyringar.

Tað segði Annika Olsen, landsstýriskvinna, í løgtinginum, tá Helgi Abrahamsen spurdi um vallógirnar.

Lógin um løgtingsval er frá 1978 og lógin um kommunuval er frá 1972.