Makreltíð:veiðiloyvi og skip seld aftur og fram

Fiskimálaráðið og Vørn hava úr at gera við at avgreiða handlar við veiðiloyvum og fiskiskipum. Higartil í ár eru 41 skip seld fyri 552 milliónir krónir til saman, og 20 veiðuloyvi eru flutt millum skip.

Ikki øll reiðarí, sum sleppa at fiska makrel, hava skip tøk til at fiska makrelin. Tí keypa tey annað skip í nakrar vikur at fiska makrelin og selja so skipið aftur hagar, tað varð keypt.

Og nógvir útlendingar eiga í føroysku fiskivinnuni, verður staðfest í svari úr Fiskimálaráðnum.     

Sambært lógini um vinnuligan fiskiskap kunnu útlendingar eiga í mesta lagi triðingin av føroyskum fiskiskipum.

Á heimasíðuni hjá løgtinginum, "Tingmál - Spurningar §52 a," sæst, hvørji veiðiloyvi og hvørji fiskiskip eru handlað í ár.