Bústaðir stigmatiserar veikar borgarar, sigur Heen

Og framtíðar samstarvið millum Almannaverkið og Bústaðir verður torført, um Bústaðir heldur seg skula avgera, hvør skal búgva í hølum, Almannaverkið leigar frá Bústøðum, sigur Edvard Heen, stjóri í Almannaverkinum.

Kringvarpið hevur ringt til stýrisformannin í Bústøðum, Jóhann Mortensen, men hann hevur onga viðmerking.

Løgtingið hevur í dag avgjørt at landstýriskvinnan í Almannamálum, Annika Olsen, skal svara fyrispurningi frá Sirið Stenberg, løgtingskvinnu fyri Tjóðveldi og Rigmor Dam løgtingskvinnu fyri Javnaðarflokkinum, um hvat er hent í málinum um Íslandsveg 22 í Havn.