Aðalráðini brúka meiri enn játtanarkarmin

Aðalráðini biðja løgtingið um fleiri pengar næsta ár enn løgtingið í vár samtykti at geva teimum.

Fíggjarnevndin hevur spurt aðalráðini, hví so er, hví tey ikki halda játtanarkarmin í fíggjarlógaruppskotinum, men biðja um nakrar milliónir meira. Og aðalráðini hava svarað.

Men Fíggjarnevndin hevur ikki viðgjørt grundgevingarnar enn, sigur Bárður á Steig Nielsen, formaður í Fíggjarnevndini:

Nevndin miðar eftir at hava álitið um fíggjarlógaruppskotið liðugt um ein mánað, tann 8.desember.