Málið um Chr. í Grótinum reist í Brússel

Kunngerðirnar, sum uppsjóvarskipið Christian í Grótinum er ákært eftir í Hetlandi, eru um at blaka fisk út.

Og tá skipið er sera framkomið, og tekur allan fiskin við til lands, má talan vera um eina misskiljing, at skipið varð tikið.

Tað sigur Jacob Vestergaard, landsstýrismaður.

Fiskimálaráðið hevur longu sett seg í samband við fiskivinnumyndugleikarnar í Bruxelles. Málið verður reist í morgin, tá samráðingar verða um makrelin, og tá sínámillum samráðingar um fiskiskap verða við ES fyrst í desember, sigur Jacob Vestergaard.

Landsstýrismaðurin sigur, at Fiskimálaráðið leggur seg ikki út sakarmálið, sum verður í Lerwick 9. desember, har skiparin á Christiani í Grótinum er ákærdur fyri brot á tvær kunngerðir um fiskskap í ES sjógvi.

Reiðaríið mátti veita trygd fyri umleið 200.000 kr., áðrenn skipið slapp úr aftur Lerwick.