Ætlaðu at steðga viðgerðum á Landssjúkrahúsinum

Leiðslan á Landssjúkrahúsinum ætlaði í summar at steðga øllum nýggjum viðgerðum við 10 ymiskum sløgum av heilivági fyri eitt nú gikt, tarmsjúku og krabbameini. Endamálið var at spara pening.

- Leiðslan er óetisk, og henni vantar empati, sigur giktalæknin, Pero Soré, sum hevur sagt úr starvi 1. januar.

Tað eru umleið 140 giktasjúklingar í Føroyum, sum hava tørv á hesum heilivági, og tað kostar umleið 100.000 krónur um árið fyri hvønn.

Í gjár boðaði Heilsumálaráðið frá, at landsstýrismaðurin hevur tryggjað 2,5 mió. kr. í eykajáttan til heilivág, og tí fáa øll tann heilivág, teimum tørvar, sigur Heilsumálaráðið