Varðveita danskan arbeiðsloysisstuðul í Føroyum

Nýútbúnir føroyingar, sum hava lisið í Danmark, kunnu nú flyta heim til Føroya at leita sær eftir arbeiði og samstundis varðveita sín danska arbeiðsloysisstuðul í tríggjar mánaðir - tann sokallaða dimitend- stuðulin.

Hetta varð veruleiki, tá Johan Dahl, landsstýrismaður í vinnumálum, og danski arbeiðsmálaráðharrin, Henrik Dam Kristensen, skrivaðu undir avtaluna á norðurlendskum ráðharrafundi í Keypmannahavn í gjár.

Hoyr Turið Christoffersen, forkvinnu í Meginfelag Føroyskra Studenta, í útvarpstíðindunum.