Løgmaður fer at herða vápnalógina

Vápnalógin skal herðast og dagførast. Millum annað skulu allar byrsur skrásetast. Og allar byrsur skulu við í lógina.

Á landsstýrisfundinum mánadagin hevði Kaj Leo Holm Johannesen eitt upprit um broytingar í vápnalógini.

Ætlanin er at fáa lógarbroytingar í løgtingið í vár, sigur løgmaður.

Hann sigur, at millum annað politiið og byrsufeløgini verða hoyrd, áðrenn lógaruppskotið fer í løgtingið.