Ikki neyðugt at kunngera allan politiskan stuðul

- Vit eiga ikki í óðum verkum at krevja, at hvør smálutur og allur privatur stuðul til politiskt virksemi skal almannakunngerast.

Tað sigur Kaj Leo Holm Johannesen, nú samgonguflokkarnir í rættarnevndini hava biðið løgmann um at endurskoða galdandi reglur, heldur enn at biðja løgtingið um at samtykkja lógaruppskot um privat sponsorat í føroyskum politikki.

Løgtingið feldi í dag eitt uppskotið frá Tjóðveldi í málinum.

Løgmaður sigur, at hann vil fegin síggja, hvat danir koma til, nú teir endurskoða sínar reglur á økinum.