Vil hava tyrlupall í Nólsoy og Hesti

Tyrlupallur skal sum skjótast gerast bæði í Nólsoy og í Hesti.

Tað sigur Heðin Mortensen, borgarstjóri í Tórshavnar kommunu, eftir at tyrludeildin hjá Atlantsflogi hevur boðað frá, at tyrlan ikki longur fer at flúgva til Nólsoyar, tí har er ikki nóg trygt at lenda.

Økið er funnið í Hesti, og nú skal eisini eitt øki finnast í Nólsoy til tyrlupall, sigur Heðin Mortensen,

Bjargingarbáturin Lív liggur í Vágsbotni í Havn, og hann er altíð tøkur at fara til Nólsoyar, um tørvur er á tí, sigur borgarstjórin.