Partabrævið í Bakkafrosti hækkaði

Bakkafrost hevur staðið seg væl, síðani alifyritøkan kom á keypsskálan í Oslo. Tí eru vónirnar altíð stórar, tá Bakkafrost leggur fram síni úrslit.

Men hóast onkur hevði hug at vísa á, at fyritøkan ikki megnaði at ala tað, sum hon setti sær fyri í 2014, so er móttøkan eisini hesaferð sera góð.

Serliga vekir tað ans, hvussu nógvar pengar Bakkafrost megnar at tjena burtur úr hvørjum kilo av laksi, ið verða ald.

Jógvan Hugo Gardar, tíðindamaður í Oslo, hevur fylgt við gongdini og reaktiónunum á keypsskálanum í Oslo í morgun.