Pál Joensen gullvinnari í 1.500 m. í Marseille

Við tíðini 15:10.35 svam Pál Joensen seg í dag til eitt greitt gull-heiðursmerki í 1500 metra teininum í fronsku kappingini MOM, Meeting Open Méditerranée, í Marseille.

Í hølunum á Páli lá týskarin Jacob Heldtmann við tíðini 15:15:36.

Sum flestum kunnugt, vann Pál eisini gull á 400 metra frí teininum í gjár við tíðini 3:50.22, aftaná kom franskmaðurin Yannick Agnel á mál við tíðini 3:51.06 og 3. plássið fall til týska Jacob Heldtman við tíðini 3:52.04.