Næmingar máttu bíða eftir boðum um PISA-royndina

Í morgun klokkan hálvgum níggju skuldu PISA kanningarnar fara í gongd á fleiri skúlum kring landið.

Men tá næmingarnir skuldu byrja, fingu tey at vita, at tekniskir trupulleikar vóru við geymunum, sum skúlarnir hava fingið útvegaðar frá Mentamálaráðnum, og royndirnar eru tískil útsettar til kl 13.00 í dag.

Talgildar royndir hava ikki altíð hepnast so væl hjá Mentamálaráðnum. Í fjørð mátti landsroyndin útsetast, og varð síðani avgreidd við pappíri og blýanti, tí talgilda skipanin fekst ikki at rigga. 

Mentamálaráðið bjóðaði mat

Tað er ikki eydnast okkum at fáa eina viðmerking frá Mentamálaráðnum til hesa tíðinsasendingina, har sigur eingin seg vita nakað um málið.
 

Kortini hava tey tikið sær væl av næmingunum, meðan tey hava bíðað. Í kantinuni í Venjingarskúlanum fingu næmingarnir mat frá Sunset fortaldu tær báðar Annika og Natalia, sum vit hittu uttanfyri skúlan. 

Hoyr samrøðu við Onniku og Nathaliu. Tær ganga í 9. flokki í Tórshavnar Kommunuskúla, og greiddu soleiðis frá royndini í morgun.