Minnilutin vil hava svarið til hoyringar

Minnilutin í kommunustýrinum á Sandi undrast á, at hann ikki fekk høvi at gera viðmerkingar til svarið frá borgarstjóranum í kæruni um starvssetanir í kommununi.

Minnilutin hevur tí vent sær til Almannamálaráðið og kommunala eftirlitið, sum í løtuni kannar málið.

Útvarpið royndi yrrapartin at fáa eina viðmerking frá Hilmari Høgenni, deildarstjóra á kommunudeildini í Almannamálaráðnum, men tað hevur ikki eydnast.

Mynd: Páll á Reynatúgvu er ein av kommunustýrislimunum á Sandi, sum er í minnilutanum