Bakkafrost: 80 útlendingar byggja nýggja virkið

80 útlendingar koma til Føroya at fyrireika og byggja nýggja virkið hjá Bakkafrosti á Glyvrum.

Og tað sæst aftur í Runavík.

Á kunningarstovuni í Runavík frættist, at tey higartil hava leigað hús út til einar 20 mans, og væntandi verða fleiri hús leigað út í heyst.

Farið varð undir byggja virkið í januar, og tað skal eftir ætlan verða liðugt tíðliga næsta ár, sigur Regin Jacobsen stjóri í Bakkafrosti.

Virkið fer at kosta hálva milliard krónur, og 300 fólk fara at arbeiða har.