Ein gleði at vera fosturforeldur

Fosturforeldraskipanin leitar í løtuni eftir fosturfamiljum - familjum, ið kunnu taka sær av einum barni í styttri ella longri tíðarskeið.

Sum heild kunnu øll blíva fosturforeldur, men tað eru ávís krøv, sum verða sett til fosturfamiljur.

- Tey fólkini, sum blíva fosturforeldur, skulu eitt nú hava reina revsiváttan, skulu hava fíggjarviðurskiftini í lagi, og somuleiðis skulu bústaðarviðurskiftini verða í lagi, sigur Hallbjørg Lamhauge, sum er leiðari á Fosturforeldrasamskipanini.

- Harafturat er neyðugt, at tú hevur tíð og yvirskot til at taka eitt barn inn í títt heim, tí tað kann stundum vera krevjandi at fáa eitt fosturbarn, og tú skalt samskifta við myndugleikarnar og avvarandi hjá barninum, sigur Hallbjørg Lamhauge.

Birna Gunnarson og maðurin hava seinastu 17 árini virkað sum fosturforeldur hjá seks ymiskum børnum.

- Tað hevur verið ein stór gleði at kunna hjálpa hesum børnunum og fáa eitt tætt samband við tey, sigur Birna Gunnarsson, sum sjálv eigur tvey børn.

- Tað ávirkar alla familjuna, tá eitt fremmant barn kemur inn í heimið, og hóast tað kann vera avbjóðandi, so hava vit øll sum heild verið ómetaliga glað fyri tey børnini, sum vit hava verið fosturfamilja fyri, sigur Birna Gunnarsson.

Í morgunsendingini greiddu tær báðar frá leiklutinum, sum fosturforeldur hava.