Thorning skrivar út val í morgin ella hósdagin

Danska stjórnin ætlar at brúka 39 milliardir krónur meira í almenna geiranum til tess at styrkja vælferðina hjá dønum. 15 milliónirskulu brúkast til heilsu- og sjúkrarøkt, segði Helle Thorning-Schmidt, forsætisráðharri, á tíðindafundi fyrrapartin.

Nógvar gitingar eru um, nær forsætisráðharrin fer at skriva út val - eitt boð er í morgin, onkur heldur hósdagin, men politiskir viðmerkjarar eru á einum máli um, at tíðindafundurin í dag merkir, at tað í øllum førum verður heilt skjótt.

Hoyr Una Holm Johannesen úr Keypmannahavn, sum eisini tosar við Henrik Qvortrup, viðmerkjara.