- Vit mugu verja borg

Føroya Óðalsfelag er farið at ferðast kring landið, har kunnað verður um felagið og kjakast verður um viðurskifti, sum hava áhuga hjá óðalsmonnum. Um vikuskiftið vóru tey í Klaksvík og kunnaðu um felagið.

- Serliga var tað tann nýggja matvørulógin, sum kjakast varð um, sigur Niels Pedersen.

Óðalsmenn óttast fyri, at gamli siðurin, at fletta heima við hús og hanga upp í egnum hjallið, fer at detta burtur. Tí sjálvt um nýggja matvørulógin sigur, at bert kjøt sum skal seljast í handli, skal hagreiðast á góðkendum sláturvirkið, so er hetta bara byrjanin.

- Gevur man teimum lítlafingur, so verður øll hondin tikin fyrr ella seinni, sigur Niels Pedersen.

Hann heldur at nú mugu óðalsmenn verja borg og stríðast fyri sínum, tí ágangurin er stórur.

Lurta eftir samrøðuni við Niels Pedersen, formann í Føroya Óðalsfelag.