Danskt valstrið í Føroyum

At stóru flokkarnir niðri hava sett endaspurtin inn, merkist eisini hjá føroysku redaktiónunum. 

Tað tykist vera heilt greitt, at teir føroysku og grønlendsku sessirnir verða avgerandi fyri valúrslitið, og tað tekur Vinstri nú avleiðingina av. Flokkurin hevur fyri fyrstu fer í hesum valstríðnum sent tíðidnaskriv til føroyskar miðlar. 

Markaforðingar burtur

Í tíðindaskrivinum, sum útvarpið hevur fingið frá Vinstra í morgun, stendur, at forðingar í ríkisfelagsskapinum og millum norðurlond skulu beinast burtur. Tað verður eisini drigið fram, at fólkatingsmaðurin fyri Sambandsflokkin longu hevur tikið hetta málið upp í fólkatinginum. 

Haraftrat boðar Bertel Haarder frá, at hann ætlar at seta seg í samband við allar ráðharrar, sum ikki ganga krøvunum hjá Føroyum og Grønlandi á møti.

Lurtið eftir viðmerkingunum frá Beintu Løwe, journalisti í Kringvarpinum.