Avtalan er stórt frambrot

Seinastu tíðina hevur Landssjúkrahúsið gjørt fleiri avtalur við Ríkissjúkrahúsið í Keypmannahavn um samstarv í sambandi við viðgerðir. Ein av størru avtalunum er um krabbameinsviðgerð. 

Bjarni á Steig, leiðandi yvirlækni á medisinska deplinum, sigur, at her er talan um stórt frambrot, tí nú koma serlæknar til Føroya einaferð um vikuna at síggja føroyskar krabbameinssjúklingar.  

Nýggja avtalan fer at kosta Landssjúkrahúsinum um eina miljón krónur um árið.