Kaj Leo: Løtan komin at skifta formann

Kaj Leo Holm Johannesen staðfestir, at hann fær ikki stuðul frá allari tingmanningini, sum varð vald týsdagin.

Men hann ætlar kortini ikki at leggja frá sær.

- Tað stendur til landsfundin at gera av, hvør skal vera formaður, sigur Kaj Leo Holm Johannesen í samrøðu við útvarpið..

Hinvegin sigur hann, at tað er rætt og rímiligt, at onkur annar bjóðar seg fram at standa á odda fyri Sambandsflokkinum og fáa eitt betri úrslit, enn flokkurin fekk á fólkatingsvalinum og løgtingsvalinum.

Hoyr samrøðu, sum Lív Mikkelsen gjørdi við Kaj Leo Holm Johannesen í útvarpstíðindunum.