Ruth Vang: Vanligt at fyrstu feløgini leggja karmin

- Hetta er ikki øðrvísi enn vanligt, og tað eru tey fyrstu feløgini, sum leggja karmin.

Tað sigur Ruth Vang, landsstýriskvinna í fíggjarmálum, eftir at fakfeløg hava funnist at, at tey eru vorðin bundin av eini avtalu um fastan lønarkarm, hóast tey ikki hava verið partur av samráðingunum. 

Í gjár sendu 20 fakfeløg út yvirlýsing, har tey siga, at tað loypti hvøkk á føroysku fakfelagsrørsluna, tá Starvsfelagið saman við fleiri akademikarafeløgum, Heilsurøktarafelagnum og nøkrum av smærru fakfeløgunum, skrivaðu undir avtalu við Fíggjarmálaráðið um ein fastan lønarkarm á 3,87% tað fyrsta árið, sum bindur alla fakfelagsrørsluna.

Men hetta er ikki so nógv øðrvísi enn vanligt, sigur Ruth Vang, landsstýriskvinna í fíggjarmálum.  

Hoyr innslag í útvarpstíðindunum: 

Sí eisini: Óluva í Gong: 12 fakfeløg hava stungið okkum í bakið

Sí eisini: Lærarafelagið um lønarkarm: Eitt skot fyri bógvin