Tolið hjá fakfelagnum við sjúkrahúsi er nú uppi

Felagið hjá sjúkrarøktarfrøðingunum hevur nú av álvara mist tolið við leiðsluni á Landssjúkrahúsinum.

Eru arbeiðsumstøðurnar á B6 ikki vorðnar betri tann 1.november, kann felagið ikki loyva limum sínum at arbeiða har.

- Støðan hevur staðið við og versnað seinastu árini. Sjúkrarøktarfrøðingar rýma undan arbeiðsbyrðuni. Hetta eru fólk við drúgvum arbeiðsroyndum, sigur Óluva í Gong, forkvinna í felagnum hjá sjúkrarøktarfrøðingunum.